Schedule : Monday - Saturday : 10 AM to 8 PM IST | Online Consultation
मधुमेहाचे वाढते प्रमाण लक्षात घेता आणि दिवसेंदिवस या आजाराच्या रुग्णसंख्येत होणारी वाढ पाहता हा एक जीवनशैलीचा आजार म्हणून ओळखला जाऊ लागला आहे. रक्तातील असंतुलित साखरेची पातळी त्वचेसह शरीराच्या अनेक अवयवांवर प्रतिकूल परिणाम करते. मधुमेहाचा शरीरावरील प्रत्येक भागावर परिणाम होतो आणि यामध्ये त्वचेचाही समावेश आहे. मधुमेह किंवा मधुमेहापूर्वीची स्थिती असलेल्या बहुतेक लोकांना त्वचेसंबंधी वारंवार समस्या आढळतात. जगभरात 75 टक्क्याहून अधिक नागरिक टाईप 2 प्रकारच्या मधुमेहाने पीडित आहे. जेव्हा शरीरातील शर्करेचे प्रमाण वाढते तेव्हा शरीरातील द्रवाचा –हास होतो आणि त्वचा कोरडी होऊ लागते. याबाबत डॉ रिंकी कपूर, द एस्थेटिक क्लिनिक्स’च्या त्वचारोग सल्लागार आणि कॉस्मेटिक त्वचारोग तज्ज्ञ यांच्याकडून आम्ही हिवाळ्यात मधुमेहींनी त्वचेची काय विशेष काळजी घ्यायची हे समजून घेतले.
मधुमेहावर करा घरगुती उपचार आणि करा मधुमेहाला दूर (Home Remedies for Diabetes In Marathi)
Shutterstock
1. मधुमेह नियंत्रणात ठेवा. त्वचा कोरडी असेल तर मॉईश्चरायझरचा वापर करा
2. त्वचा कोरडी असेल तर संरक्षण करा. कोरडया किंवा खाज-या त्वचेवर खाजवले असता त्वचेला भेग पडते आणि संसर्ग आतपर्यंत जातो. त्वचेचे पापुद्रे निघू नयेत म्हणून तुमची त्वचा ओलसर ठेवा.
3. त्वचा कापली असेल तर ताबडतोब उपचार करा. थोडंसं कापलं असेल साबण आणि पाण्याने जखम धुवा. डॉक्टरच्या सल्ल्याने प्रतिजैविक औषधे आणि मलम लावा. निर्जंतुक कापसाने छोट्या जखमा झाकून ठेवा. त्वचेला मोठा छेद गेला असेल, भाजले असेल किंवा संसर्ग झाला तर लगेचच डॉक्टरची भेट घ्या.
4. हिवाळ्यात थंडी आणि वारा यापासून तुमच्या त्वचेचे संरक्षण करण्यासाठी तुमचे कान, चेहरा, नाक झाकून घ्या आणि टोपी घाला. त्याचप्रमाणे गरम हातमोजे आणि बूट घाला.
5. तुमचे पाय दररोज तपासून घ्या. कारण तेथील नसेला इजा झाली तर बधीरपणा येऊ शकतो. त्यामुळे त्यावरील जखमा, पोपडे किंवा छेद यांच्याकडे सहज दुर्लक्ष होऊ शकते. लिंबू सरबत, ताक यासारखी पेये भरपूर प्या. तृणधान्ये, फॅट्सचे प्रमाण कमी असलेले पदार्थ, फळे आणि भाज्या असा सकस आहार घेण्यावर भर द्या.
6 आपली त्वचा विशेषत: अंडरआर्म्स, स्तनाच्या खाली, पायाची बोटं आणि मांडीच्या सभोवतालच्या समस्येच्या भागात त्वचा स्वच्छ आणि कोरडी ठेवा. सनस्क्रीनचा वापर करा
पुरूषांपेक्षा महिलांना जास्त असतो या आजारांचा धोका
दोन चमचे मधात अर्धा चमचा हळद मिसळून बनवलेल्या स्किन पॅकचा वापर करा. त्वचेवर लावा आणि 15-20 मिनिटे तसेच ठेवून द्या. मध त्वचेला मॉइस्चराईज करते आणि हळद संसर्गाविरोधात लढण्यासाठी मदत करते.
Dr. Debraj Shome is Director and Co founder of The Esthetic Clinics. He has been rated amongst the top surgeons in India by multiple agencies. The Esthetic Clinics patients include many international and national celebrities who prefer to opt for facial cosmetic surgery and facial plastic surgery in Mumbai because The Esthetic Clinics has its headquarters there.